ਖੇਸ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਖੇਸ (ਨਾਂ,ਪੁ) ਮੋਟਾ ਸੂਤੀ ਕੱਪੜਾ

ਖੇਸ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਖੇਸ [ਨਾਂਪੁ] ਸੂਤ ਦਾ ਬਣਿਆ ਮੋਟਾ ਕੱਪੜਾ

ਖੇਸ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਖੇਸ. ਅ਼ ਖ਼ੇਸ਼. ਸੰਗ੍ਯਾ—ਇੱਕ ਮੋਟੀ ਬੁਣਤੀ ਦਾ ਵਸਤ੍ਰ, ਜੋ ਓਢਣ ਦੇ ਕੰਮ ਆਉਂਦਾ ਹੈ. “ਜੇਹਾ ਦੇਸ ਤੇਹਾ ਭੇਸ । ਤੇੜ ਲੁੰਗੀ ਮੋਢੇ ਖੇਸ.” (ਰਤਨਮਾਲ) ੨ ਫ਼ਾ ਆਪਣਾਆਪ। ੩ ਰਿਸ਼ਤੇਦਾਰ. ਸੰਬੰਧੀ. “ਅੱਵਲ ਖੇਸ਼, ਬਾਦਹੂ ਦਰਵੇਸ਼.” (ਲੋਕੋ)

ਖੇਸ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਖੇਸ, (ਫ਼ਾਰਸੀ : ਸਿੰਧੀ : ਖੇਸੁ=ਮੋਟਾ ਸੂਤੀ ਕਪੜਾ>ਫ਼ਾਰਸੀ : ਖ਼ੇਸ਼, ; ਖ਼ੀਸ਼,  ; ਕਾਸ਼, ਪੇਸ਼=ਰੇਸ਼ਮੀ ਕਪੜਾ; ਬੰਗਾਲੀ : ਖੇਸ਼; ਗੁਜਰਾਤੀ : ਖੇਸ=ਚਾਦਰ) \ ਪੁਲਿੰਗ : ਇੱਕ ਤਰ੍ਹਾਂ ਦਾ ਮੋਟਾ ਸੂਤੀ ਕਪੜਾ ਜੋ ਉੱਤੇ ਲੈਣ ਅਤੇ ਥੱਲੇ ਵਿਛਾਉਣ ਦੇ ਕੰਮ ਆਉਂਦਾ ਹੈ

–ਇਕਹਿਰਾ ਖੇਸ, ਪੁਲਿੰਗ : ਛੇ ਹੱਥ ਲੰਮਾ ਖੇਸ

–ਇਘਰਾ ਖੇਸ, (ਪੋਠੋਹਾਰੀ) / ਪੁਲਿੰਗ : ਇਕਹਿਰਾ ਖੇਸ

–ਸ਼ੁਤਰੀ ਖੇਸ, ਪੁਲਿੰਗ : ਖਾਕੀ ਖੇਸ

–ਖਾਕੀ (ਖਾਖੀ) ਖੇਸ, ਪੁਲਿੰਗ : ਬਦਾਮੀ ਰੰਗ ਦੀ ਕਪਾਹ ਦਾ ਬਣਿਆ ਖੇਸ

–ਗੁਮਟੀ ਖੇਸ, ਪੁਲਿੰਗ : ਇੱਕ ਰੰਗ ਦੇ ਤਾਣੇ ਤੇ ਇੱਕ ਰੰਗ ਦੇ ਪੇਟੇ ਦਾ ਡੱਬੀਆਂਦਾਰ ਖੇਸ

–ਡੱਬਾ ਖੇਸ, ਪੁਲਿੰਗ : ਖੇਸ ਜਿਸ ਵਿੱਚ ਦੋ ਰੰਗਾਂ ਦਾ ਸੂਤਰ ਵਗਣ ਨਾਲ ਲੱਬੀਆਂ ਬਣੀਆਂ ਹੁੰਦੀਆਂ ਹਨ, ਚਾਰਖ਼ਾਨਾ ਖੇਸ

–ਦੂਹਰਾ (ਦੋਹਰਾ) ਖੇਸ, ਪੁਲਿੰਗ : ਬਾਰ੍ਹਾਂ ਹੱਥ ਦਾ ਖੇਸ, ਦੋਹੜ

–ਬੁਲਬੁਲ ਚਸ਼ਮ ਖੇਸ, ਪੁਲਿੰਗ : ਮੁਲਤਾਨੀ ਖੇਸ, ਇੱਕ ਤਰ੍ਹਾਂ ਦਾ ਵਧੀਆ ਦੂਹਰਾ ਖੇਸ ਜਿਸ ਦੀ ਡੱਬੀ ਸਮਾਨਭੁਜ ਚਕੋਰ ਹੁੰਦੀ ਹੈ ਅਤੇ ਉਸ ਡੱਬੀ ਦੇ ਅੰਦਰ ਅੱਖ ਜੇਹੀ ਬਣੀ ਹੁੰਦੀ ਹੈ

–ਮਜਨੂੰ ਖੇਸ, ਪੁਲਿੰਗ : ਮੁਲਤਾਨੀ ਖੇਸ ਜਿਸ ਦੀ ਡੱਬੀਦਾਰ ਦੂਹਰੀ ਬੁਣਤੀ ਹੁੰਦੀ ਹੈ। ਇਸ ਦੇ ਦੋਵੇਂ ਪਾਸੇ ਵੱਖੋ ਵੱਖ ਨਮੂਨਿਆਂ ਦੇ ਹੁੰਦੇ ਹਨ

–ਮੁਲਤਾਨੀ ਖੇਸ, ਪੁਲਿੰਗ : ਮੁਲਤਾਨ ਦਾ ਪਰਸਿੱਧ ਖੇਸ, ਮਜਨੂੰ ਜਾਂ ਬੁਲਬੁਲ ਚਸ਼ਮ ਖੇਸ

–ਰਾਖਵੀਂ ਕੰਨੀ ਵਾਲਾ ਖੇਸ, ਪੁਲਿੰਗ :ਚੌੜੇ ਕਿਨਾਰੇ ਵਾਲਾ ਖੇਸ