ਗਹੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗਹੀ. ਗ੍ਰਹਣ ਕੀਤੀ. ਅੰਗੀਕਾਰ ਕੀਤੀ. “ਗਹੀ ਓਟ ਸਾਧਾਇਆ.” (ਸੂਹੀ ਮ: ੫) ੨ ਗ੍ਰਹਣਕਰਤਾ. ਜਿਸ ਨੇ ਦ੍ਰਿੜ੍ਹਤਾ ਨਾਲ ਵਿ੄੥ ਗ੍ਰਹਣ ਕੀਤੇ ਹਨ. ਲੰਪਟ. “ਕੋਟਿ ਗਹੀ ਕੇ ਪਾਪ ਨਿਵਾਰੇ.” (ਮਾਰੂ ਸੋਲਹੇ ਮ: ੩)

ਗਹੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਗਹੀ (ਸੰ.। ਦੇਖੋ , ਗਹਿ) ੧. ਪਕੜੀ। ਯਥਾ-‘ਓਟਿ ਗਹੀ’ ਓਟ ਫੜੀ।

੨. (ਸੰ.। ਦੇਖੋ, ਗਹਿ। ਗਹਨਾਂ ਤੋਂ ਗਹੀ=ਪਕੜ) ਪਕੜ। ਯਥਾ-‘ਕੋਟ ਗਹੀ ਕੇ ਪਾਪ ਨਿਵਾਰੇ’। ਕ੍ਰੋੜਾਂ ਹੀ ਪਕੜਾਂ ਦੇ ਪਾਪ ਨਿਵਾਰੇ। ਪਰ ਕਈ ਗ੍ਯਾਨੀ ਗਹੀ ਦੇ ਅਰਥ ਏਥੇ -ਦਿਨ- ਬੀ ਕਰਦੇ ਹਨ।

ਗਹੀ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਗਹੀ, (ਮਲਵਈ) \ (ਸੰਸਕ੍ਰਿਤ : गूह) \ ਇਸਤਰੀ ਲਿੰਗ : ੧. ਕੋਠੀ, ਮਿੱਟੀ ਦਾ ਇੱਕ ਕਿਸਮ ਦਾ ਸੰਦੂਕ ਜਿਹਾ ਜਿਸਦੇ ਵਿੱਚ ਦਾਣੇ ਪਾ ਕੇ ਸਾਂਭੇ ਜਾਂਦੇ ਹਨ, ਭੜੋਲੀ, ਦਾਣਿਆਂ ਜਾਂ ਕਪੜਿਆਂ ਵਾਲੀ ਕੋਠੀ ਦੇ ਅੰਦਰ ਬਣਾਈ ਪੜਛੱਤੀ ਜਿਸ ਤੇ ਚੀਜ਼ਾਂ ਟਿਕਾਈਆਂ ਜਾ ਸਕਦੀਆਂ ਹਨ