ਧਾਰ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰ (ਨਾਂ,ਇ) 1 ਥਣ ਵਿੱਚੋਂ ਨਿਕਲਣ ਵਾਲੀ ਦੁੱਧ ਦੀ ਤਤੀਹਰੀ 2 ਉੱਚੀ ਥਾਂ ਤੋਂ ਧਾਰੀ ਦੇ ਰੂਪ ਵਿੱਚ ਡਿੱਗਦਾ ਪਾਣੀ 3 ਤਲਵਾਰ ਚਾਕੂ ਆਦਿ ਦਾ ਤਿੱਖਾ ਪਾਸਾ 4 ਪਿਸ਼ਾਬ ਦੀ ਤਤੀਹਰੀ

ਧਾਰ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰ [ਨਾਂਇ] ਤਰਲ ਪਦਾਰਥ ਦਾ ਪ੍ਰਵਾਹ, ਧਰਾਲ; ਛੁਰੀ ਆਦਿ ਦਾ ਤਿੱਖਾ ਭਾਗ

ਧਾਰ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰ. ਦੇਖੋ, ਧਾਰਣ. “ਧਾਰਹੁ ਕਿਰਪਾ ਜਿਸਹਿ ਗੁਸਾਈ.” (ਬਾਵਨ) ੨ ਦੇਖੋ, ਧਾੜ. “ਪਰੀ ਧਾਮ ਤਵ ਧਾਰ.” (ਚਰਿਤ੍ਰ ੧੭੦) ੩ ਦੇਖੋ, ਧਾਰਾ. ਇਸੇ ਤੋਂ ਗਊ ਆਦਿਕ ਪਸ਼ੂਆਂ ਦੀ ਧਾਰ ਕੱਢਣੀ ਸ਼ਬਦ ਹੈ। ੪ ਤੰਤ੍ਰਸ਼ਾਸਤ੍ਰ ਅਨੁਸਾਰ ਇੱਕ ਟੂਣਾ. ਮੰਤ੍ਰ ਪੜ੍ਹਕੇ ਸ਼ਰਾਬ , ਤੇਲ , ਜਲ ਆਦਿ ਦੀ ਘਰ ਜਾਂ ਨਗਰ ਦੇ ਚਾਰੇ ਪਾਸੇ ਧਾਰ ਦੇਣੀ. “ਧਾਰ ਪੇਟ ਪੂਜਾ ਏ ਦੈਹੈਂ.” (ਪੰਪ੍ਰ) ੫ ਸ਼ਸਤ੍ਰ ਦਾ ਵਾਢ. “ਯਹ ਪ੍ਰੇਮ ਕੋ ਪੰਥ ਕਰਾਰ ਹੈ ਰੇ, ਤਲਵਾਰ ਕੀ ਧਾਰ ਪੈ ਧਾਵਨੋ ਹੈ.” (ਬੋਧ ਕਵਿ) ੬ ਸੰ. ਧਾਰ. ਜ਼ੋਰ ਦਾ ਮੀਂਹ । ੭ ਵਰਖਾ ਦਾ ਜਲ। ੮ ਉਧਾਰ. ਰਿ਼ਣ। ੯ ਵਿ—ਗੰਭੀਰ. ਗਹਰਾ. ਡੂੰਘਾ.

ਧਾਰ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਧਾਰ (ਕ੍ਰਿ.। ਸੰਸਕ੍ਰਿਤ ਧਾਰਣ) ੧. ਧਾਰਨ ਕਰ। ਯਥਾ-‘ਰੇ ਨਰ ਇਹ ਸਾਚੀ ਜੀਅ ਧਾਰਿ’।

੨. ਧਾਰੋ , ਕਰੋ। ਯਥਾ-‘ਧਾਰਿ ਅਨੁਗ੍ਰਹੁ ਸੁਆਮੀ ਮੇਰੇ ’।

੩. (ਸੰ.। ਸੰਸਕ੍ਰਿਤ ਧਾਰਾ) ਨਦੀ ਦੀ ਧਾਰਾ। ਯਥਾ-‘ਬੂਡੇ ਕਾਲੀ ਧਾਰ’।

੪. (ਸੰ.। ਸੰਸਕ੍ਰਿਤ ਧਾਰਾ) ਸ਼ਸਤ੍ਰ ਦੀ ਧਾਰ। ਯਥਾ-‘ਖੰਡੇ ਧਾਰ ਗਲੀ ਅਤਿ ਭੀੜੀ’।